السبت، 21 يوليو، 2012

عجينه مضمونه للفطاير

عجينه مضمونه للفطاير بإذن الله

هاذي العجينه هي طريقة أمي الله يحفظها
ما تغيرها ودايماً تسويها وأنا واثقه إنها راح تعجبكم .
تسوي فيها جميع أنواع الفطاير ( كرواسون - بيتزا - سبانخ - زعتر - لبنه - أقماع بأي حشوه ) كل اللي تبونه حتى السينابون

المقادير :
٤ كاسات طحين أبيض ( نستخدم الكويتي )
٣ ملاعق طعام حليب بودره
فنجال سكر
بياله زيت
ملعقة طعام خميره فوريه
ملعقة طعام باكنج باودر
ماء حسب العجينه

الطريقه :
تخلطين اول السكر و الخميرة و شوي ماء مع بعض بعدين تضيفين باقي المقادير وتعجنين بيدك أو العجانه ما تفرق بس أهم شي تطولين بالعجن لحد ما تصير عندج العجينه ناعمه و يكبر شوي حجمها من العجن بعدها تحطينها بحافظه وتغطينها وتخلينها تخمر من ساعه إلى ساعتين بالكثير

وبالعافيه

ليست هناك تعليقات:

إرسال تعليق